Հաշվետվություն բոլոր դասերից (Ապրիլ)

Նա ցանկացավ դունչը հասցնել խաղողին, բայց չկարողացավ: Հեռանալիս ինքն իրեն ասաց. «Ոչի՜նչ, դեռ խակ է»: Ուժ ու կարողություն չունենալու պատճառով հաջողության չեն հասնում, մեղքը գցում են պայմանների վրա: Քաղցած աղվեսը կախ ընկած ողկույզներով խաղողի վազ տեսավ:

Որոշ մարդիկ էլ այդպիսին են:

Քաղցած աղվեսը կախ ընկած ողկույզներով խաղողի վազ տեսավ։ Նա ցանկացավ դունչը հասցնել խաղողին, բայց չկարողացավ։ Հեռանալիս ինքն իրեն ասաց. «Ոչի՜նչ, դեռ խակ է»։ Որոշ մարդիկ էլ այդպիսին են։ Ուժ ու կարողություն չունենալու պատճառով հաջողության չեն հասնում, մեղքը գցում են պայմանների վրա։

2. Տրված բառերից յուրաքանչյուրին ի՞նչպիսի հարցին պատասխանող մի քանի բառ ավելացրու(աշխատիր չկրկնել):

Օրինակ՝ քարե, րարձր, երկհարկանի, բնակելի, գեղեցիկ տուն:

Քույր, եղբայր, մայր. հայր, տատիկ, պապիկ:

Բարի, հոգատար, սիրող, երիտասարդ քույր

Բարձրահասակ, խելացի, աշխույժ, կենսուրախ եղբայր

Քնքուշ, հոգատար, աշխատասեր, սիրելի մայր

Խիստ, արդար, ուժեղ, պատասխանատու հայր

Բարի, ժպտերես, քնքուշ, իմաստուն տատիկ

Իմաստուն, փորձառու, համբերատար, բարեհամբույր պապիկ

3.. Հարցում արտահայտող բառերի փոխարեն համապատասխան բառեր կամ բառակապակցություններ գրելով նախադասություննե՛ր ստացիր:

Ո՞վ ի՞նչ արեց:

Ի՞նչը ի՞նչ եղավ:

Ովքե՞ր ի՞նչ են անում:

Ինչե՞րը ի՞նչ են լինում:

Ո՞վ ի՞նչ արեց։ → Արամը գրեց տնային աշխատանքը։

Ի՞նչը ի՞նչ եղավ։ → Ծաղիկը թառամեց։

Ովքե՞ր ի՞նչ են անում։ → Երեխաները խաղում են բակում։

Ինչե՞րը ի՞նչ են լինում։ → Տերևները դեղնում են աշնանը։

4. Ինչպիսի՛ հարցին պատասխանող ընդգծված բառերը տեքստից հանի՛ր:

Ասում են, թե դաժան կոկորդիլոսն իր խեղճ զոհին ուտելուց հետո իսկական արցունքներ է թափում: Ի՞նչ է` վայրենի կոկորդիլոսը թշվառ զոհին խղճո՞ւմ Է: Գիտակ մարդիկ ասում են, որ կերածը մարսելու ժամանակ նրա օրգանիզմում ուրիշ գեղձեր էլ են գրգռվում, որից և աչքերից թափվող արցունքանման հեղուկ է առաջանում: Այդ սուտ, կեղծավոր լացը նկատի ունեն. երբ մեկի մասին ասում են, թե՝ «կոկորդիլոսի արցունք Է թափում»:

Դաժան

Խեղճ

Իսկական

Վայրենի

Թշվառ

Գիտակ

Ուրիշ

Արցունքանման

Սուտ

Կեղծավոր

Category: Մայրենի | LEAVE A COMMENT

April 27

Ինչո՞ւ են մարդիկ վիճելիս բարձրացնում ձայնը

Մի անգամ Ուսուցիչը աշակերտներին հարցրեց.

– Ինչո՞ւ են մարդիկ վեճերի ժամանակ բարձրացնում ձայնը:

– Երևի նրանք կորցնում են հանգստությունը,- ենթադրեց աշակերտներից մեկը:

– Բայց ինչո՞ւ ձայն բարձրացնել, եթե 2-րդ մարդը կանգնած է կողքիդ,- կրկին պնդեց Ուսուցիչը:
Աշակերտները շփոթված թոթվեցին ուսերը: Ակնհայտ էր, որ այդ մասին նրանք չեն մտածել: Այդ ժամանակ Ուսուցիչն ասաց.
– Երբ մարդիկ վիճում են, և նրանց դժգոհությունը մեծանում է, նրանց սրտերը հեռանում են միմյանցից, ու դրա հետ միասին՝ հեռանում են նաև նրանց հոգիները, և որպեսզի միմյանց լսեն, նրանք ստիպված բարձրացնում են ձայնը: Եվ ինչքան նրանց բարկությունն ու չարությունը մեծ է, այնքան բարձր են նրանք գոռում: Իսկ երբ մարդիկ սիրահարված են լինում, նրանք ձայն չեն բարձրացնում, այլ շատ ցածր են խոսում, քանի որ նրանց սրտերը շատ մոտ են գտնվում իրար, իսկ նրանց միջև եղած հեռավորությունը ջնջվում է: Իսկ երբ մարդկանց սերն է իշխում, նրանք անգամ չեն խոսում, շշնջում են, իսկ երբեմն էլ ոչ մի բառ պետք չի լինում միմյանց հասկանալու համար. նրանց աչքերն ամեն ինչ ասում են: Մի մոռացեք, որ վեճերը ձեզ հեռացնում են միմյանցից, իսկ բարձր արտաբերված խոսքերն այդ հեռավորությունը մեծացնում են մի քանի անգամ: Մի չարաշահեք այն, քանի որ կգա մի օր, երբ այդ հեռավորությունն այնքան մեծ կլինի, որ հետդարձի ճանապարհն այլևս չեք գտնի:

Առաջադրանք:
1.Տեքստից դուրս գրիր բոլոր բայերը և կազմիր ուղիղ ձևերը:
Օրինակ՝ հարցրեց-հարցնել

Հարցրեց — հարցնել
Բարձրացնում են — բարձրացնել
Կորցնում են — կորցնել
Ենթադրեց — ենթադրել
Պնդեց — պնդել
Կանգնած է — կանգնել
Թոթվեցին — թոթվել
Չեն մտածել — մտածել
Ասաց — ասել
Վիճում են — վիճել
Մեծանում է — մեծանալ
Հեռանում են — հեռանալ
Բարձրացնում են — բարձրացնել
Լսեն — լսել
Գոռում են — գոռալ
Լինում են — լինել
Խոսում են — խոսել
Գտնվում են — գտնվել
Ջնջվում է — ջնջվել
Իշխում է — իշխել չ
Են խոսում — խոսել
Շշնջում են — շշնջալ
Պետք չի լինում — լինել
Հասկանալու — հասկանալ
Ասում են — ասել
Մոռացեք — մոռանալ
Հեռացնում են — հեռացնել
Մեծացնում են — մեծացնել
Չարաշահեք — չարաշահել
Կգա — գալ
Կլինի — լինել
Չեք գտնի — գտնել

2.Բառարանի օգնությամբ գրիր տրված բայերի հոմանիշները:
Ենթադրել- կարծել
պնդել- հաստատել
իշխել- ղեկավարել
արտաբերել- հնչեցնել
թոթվել- շարժել
ջնջել- վերացնել
շշնջալ- փսփսալ
ստիպել- հարկադրել
գոռալ- բղավել
վիճել- բանավիճել
շփոթվել- խառնվել

3.Տրված արմատներից բայեր կազմի՛ր և ընդգծի՛ր արմատի և ել կամ ալ վերջավորության միջև եղած մասը:
Օրինակ` բարձր — բարձրանալ:
Առաջ, խիտ, խոր, նոսր, մահ, կույր, բազում, ուրախ, ծեր, գեղեցիկ, վախ, կամ, մոտ, հաս, անց, հագ, թիռ, սառ, կիպ, տես:

Առաջանալ
Խտանալ
Խորանալ
Նոստրանալ
Մահանալ
Կույրանալ
Բազմանալ
Ուրախանալ
Ծերանալ
Գեղեցկանալ
Վախենալ
Կամենալ
Մոտենալ
Հասնել
Անցնել
Հագնել
Թռնել
Սառել
Կպչել
Տեսնել

Category: Մայրենի | LEAVE A COMMENT

April 27

Հեծանիվի ստեղծման մասին

Հեծանիվի նախատիպերը՝ քառանիվ ինքնագլոր սայլակները, 17-րդ դարում համարյա միաժամանակ ստեղծվել են Գերմանիայում, Ֆրանսիայում և Ռուսաստանում։ Առաջին երկանիվ հեծանիվները երևացին 19-րդ սկզբներին։ 1817 թվականին բարոն Կառլ ֆոն Դրեզը ստեղծեց առաջին երկանիվ հեծանիվը։ Դրանք չունեին ղեկ, անիվները փայտից էին՝ ամրացված երկաթե օղերով, շարժվում էին ոտքերով գետնից հրելու միջոցով։ Հետագայում ավելացվեց ղեկ, առաջին անվին ամրացված շարժաթև և ոտնակ։ Փայտե անիվները փոխարինվեցին մետաղե բարակ բոլորակ, ճաղեր և ռետինե հոծ դողեր ունեցող անիվներով, արագությունը մեծացնելու նպատակով մեծացվեց տանող անվի տրամագիծը (հասավ նույնիսկ 180 սմ)։Մեր ժամանակների հեծանիվներին նման առաջին հեծանիվը ստեղծվեց անգլիացի՝ Ջեյմս Քեմպ Ստարլիի կողմից 1884 թվականին, այն կոչվում էր Ռովեր։ Սկսվեց հեծանիվի արդյունաբերական արտադրությունը։ Այդ նույն ժամանակ հեծանիվը սկսեց կիրառվել ռազմական գործում՝ որպես վիրավորներ, թեթև զենք և հանդերձանք փոխադրելու և կապի միջոց, եվրոպական երկրների բանակներում ստեղծվեցին հեծանվային վաշտեր։2000-ական թվականներին ստեղծվեցին մի շարք կազմակերպություններ և երիտասարդական նախաձեռնություններ, որոնց շնորհիվ, հատկապես մայրաքաղաք Երևանում, զգալիորեն ակտիվացել է հեծանվի՝ որպես երթևեկության միջոց գործածումը։

Category: Մայրենի | LEAVE A COMMENT

April 27

Մի իրի պատմություն: Քինդեր- Ձվիկ: 6-րդ դասարան

«Քինդեր սյուրպրիզի» ստեղծման պատմության մասին խոսելիս անպայման պետք է նշել, թե ինչպես է զարգացել շոկոլադե ապրանքներ արտադրող իտալական Ֆերրերո» ընկերությունը։ Նրա տարեկան շրջանառությունը այժմ ավելի քան 6 միլիարդ եվրո է կազմում, բայց ընկերությունն այդպիսինն է դարձել ոչ միանգամից։ Նրա պատմության արմատները խորությամբ գնում են նախորդ հարյուրամյակի քառասնական թվականներ, երբ ողջ աշխարհը ցնցված էր Երկրորդ համաշխարհային պատերազմից։
Պիետրո Ֆերրերոն Թուրինում (Իտալիա) առաջին առևտրային խանութի հիմնադիրն է։ Նրա հիմնադրած գործը խթան է եղել ֆիրմայի հետագա զարգացման համար` աշխարհին նվիրելով համեղ քաղցրավենիքներ, ինչպիսիք են` «Տիկ-Տակ» դրաժեները, «Նուտելլա» շոկոլադային մածուկը, «Քինդեր-Սյուրպրիզ» ձվիկը, «Ռաֆաելլո» կոնֆետը: Արժե նշել, որ այս աշխատանքը սկսել է Պիետրոյի հայրը, որը ոչ մեծ հացաբուլկեղենի խանութի սեփականատեր էր։ Հենց նա էլ 1930թ. այդ խանութը` որպես ժառանգություն, փոխանցեց իր որդուն։ Սակայն Պիետրոն ձգտում էր ավելի հետաքրքիր և գրավիչ գործի: Եվ շուտով նրան հաջողվեց հասարակ հացաբուլկեղենի խանութը վերածել հրուշակեղենի խանութի։.
Եվ այստեղ Ֆերրերոն կարողացավ բացահայտել իր տաղանդը։ Որպես հրուշակագործ` նրան դուր էր գալիս փորձարարություններ անել մթերքների հետ, և ամեն ինչում նրան օգնում էր իր կինը։ Սակայն Երկրորդ համաշխարհային պատերազմը ստիպեց ամուսնական զույգին տեղափոխվել Իտալիայի հյուսիս։ 1942թ. Ալբա քաղաքում ամուսինները նորից բացեցին հրուշակեղենի արտադրամաս և շարունակեցին իրենց փորձարարությունները` հորինելով նորանոր քաղցր ուտեստներ։
Նոր վայրում Ֆերրերոների հրուշակեղենը ձեռք բերեց աննախադեպ հաջողություն, հետո նրանց մասին իմացավ ողջ Իտալիան։ Իսկ հետո` ժամանակի ընթացքում, համեղ քաղցրավենիքների մասին իմացավ ողջ աշխարհը։ 1946թ. Ալբայում բացվեց Ֆերրերոների առաջին ֆաբրիկան։ Ընկերությունը Իտալիայի սահմաններից դուրս եկավ 10 տարի անց` բացելով ներկայացուցչություն Գերմանիայում:
Իսկ հիմա` «Քինդեր Սյուրպրիզի»` հայտնի մանկական քաղցր զվարճանքի ստեղծման պատմության մասին մասին:
Ձվի մեջ խաղալիք դնելու գաղափարը նոր չէ։ Չէ՞ որ դեռևս ԽՍՍՀ-ում նախապատերազմյան տարիներին երեխաներին գնում էին քաղցրավենիքներ, որոնց անվանում էին «շոկոլադե ռումբեր», նրանց մեջ երեխաները գտնում էին սրտիկներ, փայտե տիկնիկներ և այլ մանրուքներ, որոնցով շատ ուրախանում էին։ Բացի այդ, Իտալիայում մի հին ավանդույթ կար. Զատիկին թխում էին ձվի տեսքով կարկանդակներ և մեջը դնում էին փոքրիկ անակնկալ` կոպեկ կամ խաղալիք:
Պիետրոյի որդին` 24-ամյա Միքելե Ֆերրերոն, դառնալով ընտանեկան բիզնեսի շարունակող, հիմք վերցրեց այդ ավանդույթը։ Եվ քանի որ նա փոքրուց հրաժարվել էր կաթ խմելուց (կաթ չէր սիրում), նրա մոտ հիանալի միտք է հղանում` արտադրել մանկական հրուշակեղեն, որի մեջ կաթը կազմի մինչև 42%: Այդ ժամանակից էլ իր ճանապարհը սկսեց «Քինդեր» մանկական շոկոլադը։
Անակնկալով ձվիկը ևս որոշվեց պատրաստել «Քինդեր» շոկոլադից: Այն սկսեցին արտադրել 1974թ. սև և սպիտակ շոկոլադից, իսկ միջուկը դեղին, ձվի դեղնուցի նմանությամբ պլաստմասե պատիճ է:
Ֆերրերոների ընտանիքն անմիջապես արտոնագրեց իր արտադրանքը: Իսկ ձվիկների համար ամենատարբեր խաղալիքներ ստեղծելու գաղափարի հեղինակը շվեյցարացի արդյունաբերական դիզայներ Հենրի Փոթն է: «Քինդեր-Ձվիկի» շատ խաղալիքներ նրա մտահղացումներն են:
Առաջին անգամ խանութներում հայտնվելով՝ հսկայական հերթեր էին գոյանում: Ընդամենը մեկ ժամում իրացվել էր առաջին խմբաքանակը: «Քինդեր-Ձվիկի» խաղալիքների հավաքածուներ սկսեցին ունենալ և մեծերը, և փոքրերը: Ձեռքով պատրաստված որոշ խաղալիքների գինը հասնում էր մինչև 500 դոլար, մանավանդ, եթե այն եզակի նմուշ է:
Հայտնի է դեպք, որ 2007թ. eBay-ի աճուրդում 90000 խաղալիքի համար վճարել են
30000 եվրո:
Աղբյուրը

Category: Մայրենի | LEAVE A COMMENT

Աիդա Բաղիրյանի մեդիատիրույթ

Հարավային դպրոց-պարտեզ 6․1 դասարան

Հաշվետվություն բոլոր դասերից (Ապրիլ)

Դասարանական աշխատանք / Մաթեմատիկա

Մայրենիի առաջադրանքներ

Գործնական Քերականություն

Ինչո՞ւ են մարդիկ վիճելիս բարձրացնում ձայնը

Հեծանիվի ստեղծման մասին

Մի իրի պատմություն: Քինդեր- Ձվիկ: 6-րդ դասարան